間屋好亂, 個女一d家務都唔做. 但又唔想長期有個工人在家中.
唔知大家有冇邊間家務助理可以推介? 同埋有冇話有d乜野唔做, 要自己做番?

家務助理執屋

我打算一星期請兩次, 做晒所有家務, 幫手洗碗、洗廁所, 拖地, 抹枱, 洗衣, 涼衣, 摺衫, 執屋, 唔知仲有冇灟.
一星期兩次, 每次3個鐘, 應該夠吧.

當佢$80一個鐘, 一星期6個鐘, 一個月都係$1920, 在香港請個菲傭最少都要$4520一個月, 仲未計手續費同伙食.

你係咪未約過鐘點? 而家冇$80一個鐘, HelloToby都收$130一個鐘

而家好少人用家務助理公司, 通常都用鐘點App
你要做晒一屋家務咁跨張, 你間屋有幾大先? 通常收費同面積成正比

唔係所有家務都包, 好多家務助理唔洗廁所, 唔抹窗.
有個最新既鐘點APP叫"點幫"

點幫佢地乜都肯做, 唔會話呢樣唔做果樣唔做. 應該岩晒要做齊一屋家務既你
我冇記錯佢一個鐘$127, 比Hello Toby平3蚊

有冇d家務助理中介公司？可以自己請人，價錢再平d?
$127都好貴，最低工資都只係$36

升旗易得道 發表於 2019-7-30 09:54
有冇d家務助理中介公司？可以自己請人，價錢再平d?
$127都好貴，最低工資都只係$36 ...

鐘點app即是中介，所有上門工作都唔會便宜，點可以用最低工資比。
揾家務助理/清潔公司價錢仲貴，而且你要早一星期book, 又要預繳1個月錢。唔信你可以試下。

你要平，去Lazy join3個月plan咪有得平law.
你要知道而家市場係缺人做家務助理，而唔係人地等你份工做。
經常有鐘點阿姐會嫌間屋太亂，「唔好做」，炒顧客魷魚。
好難自己同姐姐傾，一定係要經中介。
自己傾到最後一定拗數。我之前都試過兩次。

電車男 發表於 2019-7-31 20:06
你要平，去Lazy join3個月plan咪有得平law.
你要知道而家市場係缺人做家務助理，而唔係人地等你份工做。
經 ...

Lazy? 千祈唔好，佢成日自動扣定你下期錢，d鐘點好似全部都冇培訓

時代唔同, 就算做家務, 都要搵專業既人做.
估唔到而家做家務都咁高人工
不過佢地做2個鐘, 好過我做4個鐘